عطرسة بني صهيون



بسم الله الرحمن الرحيم أهل بيتنا الكرام من يومياتي الحاليه والحديثه والمؤثرة امبارح كان عنا الجو ماطر جدا وعاصف لابعد الحدود ورغم هادا كله قسوة وشراسة جنود الاحتلال يللي للاسف لا تملك ذرة من الضمير الحي او الشفقه حتى على شعب انكوى بنار الظلم طبعا لا الشتا ولا البرد ولا الجوع ولا الحاجه بتردع ظلمهم عنا اغلقو بالامس كافة المداخل المؤدية لمدينة نابلس ومنها حاجز بيت ايبا وياريت بس اغلقوه لاء كمان منعو الناس من عبوره رغم ابراز كافة الوثائق يللي تبيح لالهم العبور وكان من بين المرفوض ظلما انهم يدخلو مدينتهم بعد يوم شاق من التعب والعذاب طالب جامعي في جامعة النجاح الوطنيه عمره 22 سنه ومن المتفوقين وعلى خلق الطالب الشاب كان مصمم ينام في بيته وعلى سريره الدافي وكالعاده لازم يجرب أي طريق التفافي يمكن ينجح عن طريقه ويقدر يتمسى بنور وجه امه وينام قرير العين لكن للاسف حاول ولف من خلف الحاجز وكان كل ماكان يبعد عن الحاجز عشان يتلافي قناصة جنود الاحتلال كانت روحه تقترب ما باريها بس بطريقه ما اتعودنا عليها مش طخ ولا تصفيه عشان يبعد مسافه تحميه من رشاش القناص كان مفروض يتجاوز نهر من المياه الجارفه تكونت من شدة الامطار الغزيره يللي غمرت مدينة نابلس بالامس وما ان حاول تجاوز النهر انزلقت قدمه وجرفه النهر حتى استقترت جثته الطاهره من نابلس حتى مشارف مدينة طولكرم وعاد بعدها الى بيته والى حضن امه ولكن كيف؟؟؟؟؟؟؟؟؟؟؟؟؟؟؟؟؟؟؟ اترك لكم الجواب رحم الله شهدائنا والشفاء يا رب لمصابينا والافراج لمعتقلينا ولكم مني سلام